«Чачтарач» багыты боюнча окутуу ачылды
Пробациянын кардарлары үчүн «Чачтарач» багыты боюнча окутуу расмий түрдө ачылып, биринчи сабак өткөрүлдү. Программа кесиптик талаптарга ылайык иштелип чыгып, чачтарачтык чөйрөдөгү практикалык көндүмдөрдү өнүктүрүүгө багытталган.
Курс учурунда катышуучулар чач кыркуу жана жасалгалоо ыкмаларын, кардар менен иштөө маданиятын, гигиеналык талаптарды жана иш ордун уюштурууну үйрөнүшөт.
Программанын алкагында катышуучулардын өзүнө болгон ишенимин бекемдөө, эмгекке болгон жоопкерчилигин жана социалдык көндүмдөрүн өнүктүрүү максатында кошумча мотивациялык иш-чаралар да каралган.
Курсту аяктагандан кийин бүтүрүүчүлөр сулуулук индустриясында жумушка орношуп, өз алдынча жана туруктуу жашоого кадам таштоо мүмкүнчүлүгүнө ээ болушат. Бул демилге пробациянын кардарларынын коомго толук кандуу кайтып келүүсүнө өбөлгө түзөт.
