Департаменттин түзүмү

Кыргыз Республикасынын Юстиция министрлигинин алдындагы Пробация департаменти, борбордук аппараттан, 3 Аймак аралык башкармалыктан, 1 облустук башкармалыктан, 3 облустук бөлүмдөн, ошондой эле 47 шаардык жана райондук пробация органдарынан турат, штаттык саны 268 бирдикти түзөт.

Пробация департаментинин борбордук аппаратынын түзүмүнө жетекчилик курам катары департаменттин директору жана 2 анын орун басары кирет. Ошону менен бирге борбордук аппараттын түзүмүнө төмөнкү 7 башкармалык кирет:

1-Администрациялык башкармалык;

2-Социалдык коштоо жана реабилитациялоо башкармалыгы;

3-Эсепке алуу жана мониторинг башкармалыгы;

4-Окуу-методикалык башкармалыгы;

5-Финансылык-чарбалык башкармалыгы;

6-Пенитенциардык пробация башкармалыгы;

7-Психологиялык иш боюнча башкармалыгы.

Ар бир башкармалыктын алдында тийиштүү бөлүмдөр жана секторлор бар.

Административдик башкармалыктын алдында иш кагаздарын жүргүзүү сектору жана кадрлар сектору, контролдук-инспекциялык иш сектору өз ишмердүүлүгүн жүргүзөт.

Социалдык коштоо жана реабилитациялоо башкармалыгынын алдында ювеналдык жана мамлекеттик органдар, жергиликтүү өз алдынча башкаруу органдар жана башка уюмдар менен өз ара аракеттешүү сектору бар.

Эсеп жана мониторинг жүргүзүү башкармалыгынын алдында электрондук эсеп жана мониторинг бөлүмү жана ТМЭБТ боюнча сектор бар.

Окуу-методикалык башкармалыгында теологиялык иш сектору бар.

Ошондой эле, Пробация департаментинде коомчулук менен байланыш сектору өз алдынча иш-аракетин жүргүзөт.