Кыргызстан менен Япония укук, пробация жана сот ишмердүүлүгү жаатында тажрыйба алмашууда
Токио шаарында Кыргыз Республикасынын жана Япониянын өкүлдөрүнүн катышуусунда укук жаатындагы экинчи биргелешкен илимий изилдөө өтүп жатат.
Жумуш сапарынын жүрүшүндө тараптар укуктук жөнгө салуу, сот өндүрүшү, киберкылмыштуулукка каршы күрөшүү, пробация органдарынын ишмердүүлүгү, соттук-эксперттик ишмердүүлүк, прокурордук көзөмөл жана адвокатура маселелерин изилдеп жатышат.
Иш-чаралар эки өлкөнүн ортосунда тажрыйба алмашууга, кесиптик кызматташтыкты бекемдөөгө жана юстиция тармагындагы өз ара аракеттенүүнү өнүктүрүүгө багытталган.
Бардык иш-чаралар Кыргыз Республикасынын Юстиция министрлиги менен Япониянын Юстиция министрлигинин ортосунда кол коюлган кызматташтык жөнүндө меморандумдун алкагында өткөрүлүүдө.
