Кесиптик билим алган пробация кардарлары мамлекеттик экзамен тапшырышты

2026-жылдын 22-июнунда Пробация департаменти тарабынан кардарларды социалдаштыруу жана кесиптик көндүмдөргө үйрөтүү боюнча жүргүзүлүп жаткан иш-чаралардын алкагында окуусун аяктаган бүтүрүүчүлөр үчүн мамлекеттик экзамендер өткөрүлдү.

Бүтүрүүчүлөр төмөнкү адистиктер боюнча жыйынтыктоочу мамлекеттик аттестациядан өтүштү:

-ашпозчу;

-сантехник-слесарь;

-чач тарач.

Окутуу №1 Лицейи менен Пробация департаментинин ортосунда түзүлгөн кызматташуу жөнүндө макулдашуунун негизинде уюштурулган. Окуу мезгилинде кардарлар тиешелүү кесиптер боюнча теориялык билим алып, практикалык көндүмдөрдү өздөштүрүштү.

Кесиптик окутуу Пробация департаментинин кардарларды ийгиликтүү ресоциалдаштырууга, алардын эмгек рыногунда атаандаштыкка жөндөмдүүлүгүн жогорулатууга, туруктуу жашоо көндүмдөрүн калыптандырууга жана кайрадан укук бузууга жол бербөөгө багытталган ишмердүүлүгүнүн маанилүү багыттарынын бири болуп саналат.

Мамлекеттик экзамендерди ийгиликтүү тапшырган бүтүрүүчүлөргө тиешелүү квалификацияны тастыктаган мамлекеттик үлгүдөгү документтер тапшырылат.