Октябрь айы аймактык пробация органдарында жана бөлүмдөрүндө диний экстремизмдин жана терроризмдин алдын алуу боюнча “Декада” катары жарыяланды.
Кыргыз Республикасынын Министрлер Кабинетинин 2023-жылдын 15-мартындагы №141 Токтому менен бекитилген 2023–2027-жылдарга карата экстремизмге жана терроризмге каршы аракеттенүү боюнча мамлекеттик Программа алкагында, Пробация департаменти тарабынан атайын иш-чаралар уюштурулууда.
Пробация департаментинин 2025-жылдын 8-сентябрындагы буйругуна ылайык, октябрь айы аймактык пробация органдарында жана бөлүмдөрүндө диний экстремизмдин жана терроризмдин алдын алуу боюнча “Декада” катары жарыяланды.
2025-жылдын 15-октябрынан 30-октябрына чейин мамлекеттик органдар, жергиликтүү өз алдынча башкаруу органдары, диний ишмерлер жана укук коргоо органдары менен биргеликте коомчулук арасында түшүндүрүү иштери жана алдын алуу иш-чаралары өткөрүлөт.
Бул демилге – коомдо тынчтыкты, коопсуздукту жана ынтымакты бекемдөөгө багытталган маанилүү кадам болуп эсептелет.
