Пробацияны колдонуу жана кардарларды эсепке алуу тартиби

Пробацияны колдонуу жана кардарларды эсепке алуу

1. Пробацияны колдонуу жана кардарларды эсепке алуу тартиби (мындан ары - Тартип) коомдон обочолонтуу менен байланышпаган жазаларды жана кылмыш-жаза укуктук таасир этүүнүн башка мажбурлоо чараларын аткаруунун, пробация кардарларын контролдоону, көзөмөлдөөнү уюштуруунун жана ишке ашыруунун, мамлекеттик органдар, жергиликтүү мамлекеттик администрациялар, жергиликтүү өз алдынча башкаруу органдары жана коомчулук менен өз ара аракеттенүүдө кайра социалдаштырууда аларга көмөк көрсөтүү тартибин аныктайт.

2. Ушул Тартипте төмөнкүдөй түшүнүктөр колдонулат:

1) пробация органы (мындан ары - ыйгарым укуктуу орган) - коомдон обочолонтуу менен байланышпаган жаза жазаларын аткарууну жана кылмыш-жаза укуктук таасир этүүнүн мажбурлоо чараларын түзөтүү мекемелеринен мөөнөтүнөн мурда шарттуу бошотулган, жазаны аткаруу кийинкиге калтырылган адамдарга көзөмөлдү социалдык-укуктук функцияларды аткаруу менен, ошондой эле укук бузуулар үчүн жаза чараларынын түрлөрүн жүзөгө ашыруучу ыйгарым укуктуу мамлекеттик орган;

2) пробациянын кардары (мындан ары - кардар) - "Пробация жөнүндө" Кыргыз Республикасынын Мыйзамынын 5-беренесинде статусу аныкталган жеке жак;

3) пробациянын волонтеру (мындан ары - волонтер) - пробация органдарына ыктыярдуу жана акысыз жардам көрсөтүүчү адам;

4) ыйгарым укуктуу органдын аймактык бөлүмү (мындан ары - аймактык бөлүм) - коомдон обочолонтуу жана кылмыш-жаза укуктук таасир этүүнүн мажбурлоо чаралары менен байланышпаган жаза жазаларын аткарууну, түзөтүү мекемелеринен мөөнөтүнөн мурда шарттуу бошотулган, жазаны аткаруу кийинкиге калтырылган адамдарга көзөмөлдү социалдык-укуктук иш-милдеттерди аткаруу менен, ошондой эле укук бузуулар үчүн жаза чараларынын түрлөрүн жүзөгө ашыруучу ыйгарым укуктуу мамлекеттик органдын аймактык бөлүмү;

5) "Пробация" автоматташтырылган маалыматтык системасы (мындан ары - "Пробация" АМС) - пробациянын кардарлары, Кыргыз Республикасынын кылмыш-жаза мыйзамдарында, ошондой эле укук бузуулар, пробация чөйрөсүндөгү Кыргыз Республикасынын мыйзамдарында каралган, аларга карата көрүлгөн чаралар жөнүндө маалыматтарды чогултууга, иштеп чыгууга жана сактоого арналган маалыматтык система;

6) социалдык-укуктук жардам көрсөтүүнүн жеке программасы (мындан ары - Программа) - аймактык бөлүм тарабынан түзүлгөн, пробациянын кардарынын ким экендигин жана керектөөлөрүн иликтөөгө негизделген, ага социалдык-укуктук жардам көрсөтүү программасы;

7) пробациялык көзөмөлдөө планы (мындан ары - План) - пробациянын кардарына сот тарабынан жүктөлгөн милдеттерди аткаруусун контролдоону ишке ашыруу боюнча аймактык бөлүм тарабынан түзүлгөн документ;

8) электрондук көзөмөл - сот тарабынан пробация кардарларына жүктөлгөн көзөмөлдүк талаптардын сакталышына жана пробациялык милдеттердин аткарылышына электрондук-техникалык түзүлүштөрдү колдонуу менен пробация органы жүзөгө ашыруучу көзөмөл;

9) электрондук-техникалык түзүлүштөр - кардарлар менен үзгүлтүксүз байланышты жана белгиленген убакыт ичинде алардын кыймылына аралыктан байкоо жүргүзүүнү камсыз кылуучу электрондук көзөмөлдөөгө арналган программалык жана техникалык каражаттар.

3. Кардарлар Кыргыз Республикасынын Конституциясында, Кыргыз Республикасынын Кылмыш-жаза кодексинде, Кыргыз Республикасынын Укук бузуулар жөнүндө кодексинде, Кыргыз Республикасынын Кылмыш-жаза процессуалдык кодексинде, Кыргыз Республикасынын Жазык аткаруу кодексинде, пробация чөйрөсүндөгү Кыргыз Республикасынын мыйзамдарында белгиленген чектөөлөр менен Кыргыз Республикасынын жарандарынын укуктарына жана милдеттерине ээ.

4. Ыйгарым укуктуу органдын ушул Тартипте жана пробация чөйрөсүндөгү Кыргыз Республикасынын мыйзамдарында каралган талаптары Кыргыз Республикасынын бардык аймагында жарандар жана кызмат адамдары, менчигинин түрүнө карабастан ишканалар, уюмдар же мекемелер үчүн аткарууга милдеттүү.

Ыйгарым укуктуу органдын талаптарын аткарбоо, маалыматтарды өз убагында бербөө же туура эмес берүү Кыргыз Республикасынын Укук бузуулар жөнүндө кодексинде каралган жоопкерчиликке алып келет.

Пробацияны колдонуу жана кардарларды эсепке алуу ТАРТИБИ менен толук бул  жерден таанышсаңыз болот.