Пробация органдары пробациянын кардарларына азык-түлүк жагынан жардам көрсөтүштү
Пробация департаментинин Бишкек шаары, Чүй жана Талас облустары боюнча Аймактар аралык башкармалыгынын кызматкерлери дүйнөдөгү Covid-19 пандемияны жеңүү үчүн Кыргызстанда киргизилген өзгөчө кырдаал учурунда кирешеси жок калган пробациянын кардарлары үчүн кайрымдуулук акциясын өткөрүүдө.
Акциянын алкагында Бишкек шаарынын Ленин районунун, Кант, Токмок жана Талас шаарынын пробация ооргандары өз кардарларына азык-түлүк жардамын көрсөтүштү.
2020-жылдын 1-апрелинде Токмок шаарынын жана Чүй районунун пробация органынын кызматкерлери Чүй райондор аралык эмгек жана социалдык өнүктүрүү башкармалыгы менен биргеликте пробациянын беш кардарынын үй-бүлөсүнө өнүмдөрдү жеткиришкен. Үй-бүлөсүнүн курамына жараша, картошка 1 мешоктон 20 кг чейин; бир литрден: суюк май, томат пастасы, коюлтулган сүт; эки килограмм кесме, бир килограмм печенье, чай жана кант берилген.
2020-жылдын 5-апрелинде Талас шаарынын жана Талас районунун пробация органдарынын кызматкерлери Талас шаарынын мэриясы менен биргеликте пробациянын жети кардарынын үй-бүлөөсүнө 1 мешок (50 кг) ундан жеткиришкен.
2020-жылдын 7-апрелинде Ысык-Ата районунун пробация органынын кызматкерлери "Право Быть" коомдук фонду менен биргеликте турмуштук оор кырдаалда калган пробациянын алты кардарына жана жалгыз бой энелерге азык-түлүк жардамын тийгизген. Акция алкагында бир кардарга 5 кг макарон, 4 кг күрүч жана гречка, өсүмдүк майы 3 литр, туздун 1 пакети, 3 кг кант, 10 кг ун, ачыткы, томат пастасы, чай, 2 кг печенье жана карамель жана даарат кагазынан, чарба самынынан, кир жуугуч порошокон жана шампуньдан турган топтом бөлүнүп берилген.
2020-жылдын 7-апрелинде Бишкек шаарынын Ленин районунун пробация органынын кызматкерлери пробациянын он бир кардарынан үй-бүлөсүнө азык-түлүктөрдү жеткиришкен. Бир кардарга картошка жана пияз 3 килограмм, күн карама майын эки литр, 1 килограмм кесме жана күрүч, туз, каймак майы, томат пастасы, 10 даана жумуртка, чай жана кант берилген.
Ошондой эле Бишкек шаарынын пробация органдарынын психологдору борбор шаарыбыздын аймагында карантинде же обсервацияда жаткан мекендештерге психологиялык жардам көрсөтүүгө даяр. Тиешелүү кат Кыргызстандагы коронавирустун абалын көзөмөлдөө боюнча оперативдүү штабына жөнөтүлгөн.
