Казахстан Республикасынын Алматы шаарында үй-бүлөлүк зомбулукка каршы регионалдуу конференция өттү

Казахстан Республикасынын Алматы шаарында үй-бүлөлүк зомбулукка каршы регионалдуу конференция өттү

Ушул жылдын 25–26-ноябрында Алматы шаарында «Үй-бүлөлүк зомбулукка каршы күрөштө системалуу ыкма: агрессорлор үчүн коррекциялык программалар» темасында регионалдуу конференция болуп өттү.

Иш-чарага Борбордук Азия өлкөлөрүнүн мамлекеттик жана коомдук уюмдарынын өкүлдөрү катышып, төмөнкү багыттар талкууланды:

• гендердик зомбулуктун себептери жана кесепеттери;

• агрессорлор менен иштөөдө колдонулуучу коррекциялык ыкмалар;

• балдарды калктандыруу жана зомбулуктан коргоо жолдору;

• Кыргызстан, Казахстан, Тажикстан жана Өзбекстандагы реформалар жана практикалык тажрыйбалар.

Пробация департаментинин директорунун орун басары Базарбаев Нурланбек Алтынбекович конференциянын алкагында «Агрессорлор менен иштөө: мыйзамдык базадагы жаңылыктар жана коррекциялык программаны ишке ашыруу тажрыйбасы» темасында доклад менен чыгып, Кыргыз Республикасынын ушул багыттагы иш тажрыйбасы тууралуу маалымат берди.

Конференция Friedrich Ebert Stiftung жана ОБСЕнин Астана/Бишкек офистери тарабынан колдоого алынган.

Мындай форматтагы жолугушуулар катышуучуларга үй-бүлөлүк зомбулукка каршы күрөштө эффективдүү ыкмаларды үйрөнүүгө, өлкөлөр аралык тажрыйба алмашууга жана өз ара кызматташтыкты бекемдөөгө шарт түзөт.